Fullscreen mode 360 Degrees
Lavurar en LA chasa
da medias rumantscha
Mes univers per 360°!
S'annunziar ussa

Fufragnadi - emprendissadi da prova
Cuira u studio regiunal

RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran 170 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.

Tge èn las pussaivladads?

  • En las differentas partiziuns da RTR dain nus la pussaivladad da far in fufragnadi / in emprendissadi da prova

Tge spetgain nus?

  • Bunas enconuschientschas d'in idiom rumantsch a bucca (ed en scrit)
  • Per il fufragnadi mercantil u informatica: frequentà a fin almain l'emprima classa dal stgalim superiur
  • Per il fufragnadi schurnalistic u tecnic: avair absolvì ina furmaziun professiunala u ina scola media e sche pussaivel experientscha da lavur
  • Durada: 1 fin max. 5 dis

Tge offrin nus?

  • RTR porscha fufragnadis per giuvnas e giuvens che vulan far in emprendissadi mercantil u l'emprendissadi d'informatica.
  • Plinavant vala la purschida da fufragnadi era per persunas che han interess d'emprender ad enconuscher la lavur schurnalistica u tecnica ma era per persunas cun l'opziun da vegnir a lavurar tar RTR
In emprendissadi commerzial tar RTR porscha sguards captivants davos las culissas da l'unica chasa da medias rumantscha. Daventa era Ti ina part da noss team. Mes univers per 360°!

Andrina Caprez, assistenta da la direcziun

Mes univers per 360°!

Nossa purschida

Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta. Nus essan: Mes univers per 360°!

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.

Noss mintgadi

Lieu da lavur

Nossa posiziun

CONTACT

Anc dumondas?

davart la plazza
Andrina Caprez
Assistenta da la direcziun
081 255 75 21

davart il process d'annunzia
Daniel Wasescha
Responsabel resursas umanas e contabilitad
081 255 75 78

Lieu da lavur

    • RTR Radiotelevisiun Svizra Rumantscha
    • Masanserstrasse 2
    • 7000 Chur

Scuvrir dapli


Sfundrar en noss mund da lavur multifar:

Jobs & carriera

Ans suandai era sin: