Emprendista commerziala / Emprendist commerzial
100%, Cuira
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran passa 160 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Tge èn las incumbensas?
- mintg'onn lavuras ti per in'autra partiziun da RTR: program, marketing e communicaziun, persunal e contabilitad
- ti fas differentas lavurs administrativas per la direcziun, ils servetschs centrals ed il program
- ti has contact cun clientas e clients al retschaviment, per telefon e per mail
- ti ta participeschas e gidas tar events ed occurrenzas en differentas regiuns dal chantun
Tge spetgain nus?
- ti has gust da surpigliar responsabladad
- ti es motiva:da da ta sviluppar e d'emprender, cun sustegn da RTR
- ti has plaschair dal rumantsch e da duvrar la lingua en la vita professiunala
- ti lavuras gugent en in team ed es pront:a da lavurar autonomamain
Tge offrin nus?
- ina scolaziun interessanta e multifara en in ambient dinamic da las medias electronicas e dal service public
- ina tgira persunala ed in clima da lavur collegial en ina cultura da manaschi averta cun ierarchias bassas ed ina mentalitad dal «ti»
- incumbensas variadas cun spazi per atgnas ideas
- 6 emnas vacanzas ed ina paja d'emprendissadi attractiva
- renconuschientscha per bunas prestaziuns en scola
Ulteriuras infos
- Ti pos far u il profil E ubain M (cun matura professiunala), branscha: servetschs ed administraziun
- cumenzament da l'emprendissadi: avust 2026
- durada: 3 onns
“In emprendissadi commerzial tar RTR porscha sguards captivants davos las culissas da l'unica chasa da medias rumantscha. Daventa era ti ina part da noss team.”
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Irina Beer
Assistenta dal directur e responsabla per l'emprendissadi commerzial
+41 58 136 31 46
davart il process d'annunzia
Flurina Foppa
Manadra resursas umanas
+41 58 136 31 08
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
