Disponenta / Disponent
50-60%, Cuira
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran sur 160 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Nus tschertgain ina persuna per cumplettar la squadra da disposiziun.
Tge èn las incumbensas?
- planisar il persunal dal program RTR
- disponer persunal ed organisar infrastructura tecnica
Tge spetgain nus?
- ina buna savida generala ed in pensar cumplessiv e cumbinatoric
- avair ina scolaziun da commerzi e/u experientscha da dispo
- inschign d'organisar ed avair gust e plaschair vid il contact cun il persunal da RTR
- abel da lavurar sut squitsch da temp
- gust da lavurar en in team e surpigliar atgnas responsabladads
- gust d'emprender da lavurar cun differents sistems da software e sistems da IT
Tge offrin nus?
- ina lavur fitg multifara en ina chasa da medias
- far part da la squadra “dispo RTR” che cumpiglia 3 persunas
- in bun clima da lavur en in'interpresa moderna ed innovativa
- pussaivladads da scolaziun e furmaziun
- la pussaivladad da collavurar cun differents teams
- cumenzament: entschatta zercladur 2025 u tenor cunvegna
Sco disponenta u disponent es ti en il center dal manaschi da RTR, là nua che tuttas infurmaziuns curran ensemen. Cun tia persuna, savida ed experientscha pos ti sustegnair la collavuraziun ed uschia influenzar activamain il prosperar da RTR. Faschess plaschair da beneventar tai en noss team.
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Valentin Schmed
Manader actualitad
+41 58 136 31 82
davart il process d'annunzia
Flurina Foppa
Manadra resursas umanas
+41 58 136 31 08
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
